Biglaan.
o4.o6.12
Ngayong araw ay Good Friday.
Ang plano ng pamilya ay pumunta sa Dolores, Quezon para doon kami magVisita Iglesia. Saktong 5am ng umaga umalis kami sa bahay kasama ang aming ibang kaibigan na taga rito rin sa amin. Nagpagasolina bago umalis. Naghintayan ang 2 naming sasakyan na dala ngunit tila may problema. Yung isa pala na sakay ng isa pang sasakyan ay may dinadalang problema at nagdadalawang-isip ng umalis (buti na lang hindi pa kami nakakalayo). Ang problema pala ay yung anak niya naaksidente at 50:50 o nag-aagaw buhay na sa ospital. Dahil dito sa Marian Orchard na lang kami pumunta para malapit at makaalis na agad yung isa naming kasama. Pagkatapos ng ilang oras ng pagdalaw sa Marian Orchard, umuwi na rin kami at nagpahinga.
Habang nagpapahinga kami dito sa bahay…
Bigla namang tumawag yung isang ka-opisina ni mama at sinabing nasa ospital yung isa nilang ka-opisina dahil inatake daw sa puso. Hindi pa man nakakalaan ang ilang oras, tumawag ulit ang ka-opisina niya at sinabing patay na yung isa pa nilang ka-opisina na may Cancer of the Ovary naman.
May dahilan ang Diyos…
Sa lahat ng mga nangyari ngayon. Alam ko, alam namin na may dahilan ang Diyos. Maaaring kaya pala hindi kami natuloy sa Quezon ay dahil may mga taong mas nangangailangan ng presensya namin dito. Marahil pinagkaloob ng Diyos na mangyari ang lahat sa sarili Niyang kadahilanan. Kung anuman ang dahilan Niya, mas alam Niyang makakabuti iyon. Maaaring masakit o masama ang paraan kung paano nangyari iyon pero ang kailangan at tangi lang nating magagawa ay magtiwala at kumapit sa Kanya.
Siya lang ang may dahilan sa lahat ng ito. Temporary lang ang mga ito, kumbaga pahiram nga lang Niya. Hindi natin masasabi kung kailan Niya babawiin ito pero ang mahalaga ay ang kalidad ng buhay na ipinakita at isinabuhay natin.
